ألابن

الى كل الاعزاء اهدي هذه الابيات
الابن



ألــو مـــــن أديــار الغـــرب يمه ألـــو
انــي ابنكم واســأل عليكم اشلونكم



صــوتي واضــح مــن اكـول اني فلان
أوبعد نبرت صــوتي تشبهـه صــوتكم



لـو تكسـر حجـي مـــــــن كـثر الهجـر
واختلـف لـوني وصـبح مـو لـــونكم



انـــــــه شحجيلج يـــيمــه ابغــربتي
والله مــــــن أحجي تزيـــــد اهمومكم



يمه مـا شفت الفـرح بالغــــربه يــوم
أتروح سنت الغـرب فـــــدوه اليومكم



مـــــــــــا أنـام اللـيـل سهــران وأون
أولـو نـمـت لـحظـة افـــز بطيـــــوفكم



أنه تعبنـي الهجـر مشـتاك اضــــــوك
طبـخ أيــــــــــدج والـخـبـزتـنوركـم



يـمـه عـدنـه الأكـل لا لــــــــذه اوطعم
والطعـم واضـح وسـط مــــاعـونكم



أنه جـابـرني الـــــزمن عنكم اروح
غـصـب عـنـي ابــــعـدت عن اعيونكم



يمه ادعيلي ييمه الكم اعــــــــــــــود
يـم ابـو الـحسنين حــــــارس سوركم



ابـجاهـــــــه عنـد الله اردلكـم عـدل
اوتـرجـع اعيـوني ييمـه اتشــوفكم


_________


اتمنى تعجبكم
تحيااتي

يسلمو ملكة على الابيات الرائعة

يدللوو عيوني نورس وشكراا لمرورك خيوو

عاشت الايادي على القصيدة الروعة وننتظر الجديد

انت العايش خيوو العميد شكراا لمرورك

مشكووووووووووووووووووره يا الغاليه
ننتضر منج المزيد