يلوم المادره بروحي شمرها
مايدري الدهر عن ودهم شمرها
ليالي افراكَهم والله شمرها
أمر من المنازع بالمنيه
+++++++++++
بهيمه ياظعن شوكَي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
++++++++++
بتاج الفرح ولــفي توجاني
وحسن ردلي شبابي توجاني
من اثمار المحــبة توجاني
كلبي الشبع ضيم مـن الاذيـــة
+++++++++
نشف دمعك وانه دموعي ثريه
رغم عسري تظل نفسي ثريه
بظلام الليل اوجن لـك ثريه
لان كلبك بلا رحــمه ثريه
+++++++++
همي من كـــثر يذبل وراها
ونار الكَلب مــا يخمد وراها
كل شده يـــهل وادم وراها
فرج ، والفرج من رب البريــه
+++++++++
احبك ما أحب عل الأرض سواك
سبحان الذي من طــين سواك
بشر لكنه ويال الكَـمر سواك
واحد فوق واحد بـين ايديه
++++++++
اريد اعبر بحــر دمعي وفيه
وعليج اكطع الــف فيه وفيه
ابشمس حبج انه معذب وفيه
وما عندج وفه واسـمج وفيه
++++++++
نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهم ودلها عليه
++++++++
روحي برشف خدك من عداها
احب وصلك وهابك من عداها
افراكَك يوم احمله ، من عداها
ازورك لو تصير احزاب اليه
++++++++
انت الشمس وانت البدر منهل
وشفافك طعم العســل منهل
كلبي بس إلك ياتــرف منهل
الورد من تمر ياخـذ لك تحيه
++++++++
حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه
++++++++
جمالك زاد عن يوســف وقبله
وحبك صار لي منـبر وقبله
أمر أعلى الصخر ولفي وقبله
لأن كَلبك صخر ماحن عليه
++++++++
يصاحب لو تشوف اشلون كتماي
على عيوني ويسح الدمع كتماي
اشما اصبر الروح سر الهوه كتماي
تحن وتهيّج الساكن عليه
++++++++
ابكـــثر مانوح ملوني يراني
طحت والشــامت ابعينه يراني
يخوتي السبع مـن جسمي يراني
اكبال اهلي وعمامي اتشوف هيه
+++++++++
بدرب مسدود ومتيه محـله
ادموعي جم ذنب كلبك محله
بعد طير بضباب ابدا محـله
ولا اظن بعد نتلاكه سـويه
+++++++++
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
+++++++++
انتهينا وايست منك وضعنه
وكل واحد ماشي بدربه وضعنه
كَضه وياك واتبدل وضعنه
امأيس واغسلت منك اديه
+++++++++
اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه
+++++++++
أنا دلولي نحر بالبــين يسعى
ثكَل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــلون بيه
+++++++++
اوفٍ من زماني اه منه
على اللي عشرتي وياه منه
اكَله الدرب هذا يكول منه
اكله فوت بيه يرد عليه
+++++++++
نكَل طرف الجذيله وحـيل يرها
حجي الغالب على المغلوب يرها
أنا روحي أشعره والمجنون يرها
لون عـاقـل تــرك منـها بجـيه
+++++++++
روى الزيتون من دمعي ولاراك
أوغيري مانحل جسمه ولاراك
أخاف أطول غيبتكم ولاراك
وعند وصلك تدانيني المنيه
++++++++++
روى الزيتون من دمعي ولاراك
أوغيري مانحل جسمه ولاراك
أخاف أطول غيبتكم ولاراك
وعند وصلك تدانيني المنيه
++++++++++
سمر لو بيض يعجبني شكلجن
تنور اشماتـكَللي ابشكلجن
لون واحد على حـالي شكلجن
بويا تدللن وانا النــيران بيه
+++++++++
المصايب بس على روحي تلافت
يكَلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه
+++++++++
وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه
+++++++++
شهر سيف الهجر ضدي وسله
نساني اوراح وي غيري وسله
عنب ماحصلت مــنه وسله
طلع ذيب أوكتلني اربـات إديه
+++++++++
ناحل وامشي امكابر تراني
اجلّد خاف عـدواني تراني
تاره الموت يدهـاني تراني
اصيحه من يمر شامت عليه
+++++++++
زماني جرد اســيوفه وسنهه
عليه اوحرمــت عيني وسنهه
وحكَ اللي فرض خمسه وسنهه
بعد هيهات عيـش ايصير اليه
+++++++++
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكَّاد بيه
+++++++++
مدري لاتناشدني على احشاي
بجيت وصب دمع عيني على حشاي
تبعت الضعن وجفوفي على حشاي
إشما مال الضعن روحي إتميل بيه
+++++++++
يارب تعجبكم
تحياتي
محمد البصراوي
مايدري الدهر عن ودهم شمرها
ليالي افراكَهم والله شمرها
أمر من المنازع بالمنيه
+++++++++++
بهيمه ياظعن شوكَي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
++++++++++
بتاج الفرح ولــفي توجاني
وحسن ردلي شبابي توجاني
من اثمار المحــبة توجاني
كلبي الشبع ضيم مـن الاذيـــة
+++++++++
نشف دمعك وانه دموعي ثريه
رغم عسري تظل نفسي ثريه
بظلام الليل اوجن لـك ثريه
لان كلبك بلا رحــمه ثريه
+++++++++
همي من كـــثر يذبل وراها
ونار الكَلب مــا يخمد وراها
كل شده يـــهل وادم وراها
فرج ، والفرج من رب البريــه
+++++++++
احبك ما أحب عل الأرض سواك
سبحان الذي من طــين سواك
بشر لكنه ويال الكَـمر سواك
واحد فوق واحد بـين ايديه
++++++++
اريد اعبر بحــر دمعي وفيه
وعليج اكطع الــف فيه وفيه
ابشمس حبج انه معذب وفيه
وما عندج وفه واسـمج وفيه
++++++++
نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهم ودلها عليه
++++++++
روحي برشف خدك من عداها
احب وصلك وهابك من عداها
افراكَك يوم احمله ، من عداها
ازورك لو تصير احزاب اليه
++++++++
انت الشمس وانت البدر منهل
وشفافك طعم العســل منهل
كلبي بس إلك ياتــرف منهل
الورد من تمر ياخـذ لك تحيه
++++++++
حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه
++++++++
جمالك زاد عن يوســف وقبله
وحبك صار لي منـبر وقبله
أمر أعلى الصخر ولفي وقبله
لأن كَلبك صخر ماحن عليه
++++++++
يصاحب لو تشوف اشلون كتماي
على عيوني ويسح الدمع كتماي
اشما اصبر الروح سر الهوه كتماي
تحن وتهيّج الساكن عليه
++++++++
ابكـــثر مانوح ملوني يراني
طحت والشــامت ابعينه يراني
يخوتي السبع مـن جسمي يراني
اكبال اهلي وعمامي اتشوف هيه
+++++++++
بدرب مسدود ومتيه محـله
ادموعي جم ذنب كلبك محله
بعد طير بضباب ابدا محـله
ولا اظن بعد نتلاكه سـويه
+++++++++
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
+++++++++
انتهينا وايست منك وضعنه
وكل واحد ماشي بدربه وضعنه
كَضه وياك واتبدل وضعنه
امأيس واغسلت منك اديه
+++++++++
اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه
+++++++++
أنا دلولي نحر بالبــين يسعى
ثكَل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــلون بيه
+++++++++
اوفٍ من زماني اه منه
على اللي عشرتي وياه منه
اكَله الدرب هذا يكول منه
اكله فوت بيه يرد عليه
+++++++++
نكَل طرف الجذيله وحـيل يرها
حجي الغالب على المغلوب يرها
أنا روحي أشعره والمجنون يرها
لون عـاقـل تــرك منـها بجـيه
+++++++++
روى الزيتون من دمعي ولاراك
أوغيري مانحل جسمه ولاراك
أخاف أطول غيبتكم ولاراك
وعند وصلك تدانيني المنيه
++++++++++
روى الزيتون من دمعي ولاراك
أوغيري مانحل جسمه ولاراك
أخاف أطول غيبتكم ولاراك
وعند وصلك تدانيني المنيه
++++++++++
سمر لو بيض يعجبني شكلجن
تنور اشماتـكَللي ابشكلجن
لون واحد على حـالي شكلجن
بويا تدللن وانا النــيران بيه
+++++++++
المصايب بس على روحي تلافت
يكَلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه
+++++++++
وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه
+++++++++
شهر سيف الهجر ضدي وسله
نساني اوراح وي غيري وسله
عنب ماحصلت مــنه وسله
طلع ذيب أوكتلني اربـات إديه
+++++++++
ناحل وامشي امكابر تراني
اجلّد خاف عـدواني تراني
تاره الموت يدهـاني تراني
اصيحه من يمر شامت عليه
+++++++++
زماني جرد اســيوفه وسنهه
عليه اوحرمــت عيني وسنهه
وحكَ اللي فرض خمسه وسنهه
بعد هيهات عيـش ايصير اليه
+++++++++
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكَّاد بيه
+++++++++
مدري لاتناشدني على احشاي
بجيت وصب دمع عيني على حشاي
تبعت الضعن وجفوفي على حشاي
إشما مال الضعن روحي إتميل بيه
+++++++++
يارب تعجبكم
تحياتي
محمد البصراوي