هذه مقاطع من اجمل ما سمعت في الوحدة الوطنية للشعراء الذين شاركوا في مهرجان الشعر الشعبي ..اعتذر لعدم معرفتي لاسماء الشعراء......
جرح رح انقلب حتى احجي وياك الجرح من يحجي متخونه التعابير
كمت تدفن الموتى بغير دفان .... جثث تدفن جثث لو صار تفجير
واطفالك يكرهون المراجيح..... لان رضعوا حليب من الشواجير
وطبّوا للمدارس ما يميزون ......طعم الحرب من طعم التحاضير
وعلى الصبورة شافوا من كتبوك على اسمك طاحت دموع التباشير
* * *
المفخخ من يفجر ما يميز بين ..هاي اهنانا طفلة واهنا شايب
لهذا تلاحظ لمن يفجرون ... تلقى اعقال واقع على القصايب
وتلقى اهنا كتب واهنا دستة قلام وجنطة على الرصيف وبصفها طالب
حاضر بالمقابر وبالموت ...... بس المدرسة مسجلته غايب
واحنا على المصايب مو جديدين ندور وجوهنا نلقى المصايب
طفلنا ببطن امه يشيب من الضيم ..ومن اجيبه امه اجيبه شايب
* * *
حيرني مرة طفل... بخوف يسالني
قللي عمي آنا تعبت والقهر كاتلني
خايف على والدي وخايف على امي
شيعية امي انا.... بس والدي سني
والله هذا الامر ياعمو اذاني .....
مو همّه عشرة عمر ياهو يذبح الثاني ...
* * *
البارحة حلمت بس مو مثل كل حلم ...اشكد جان حلمي حلو ماودّي اعوفنّ
جنّي بالرمادي صرت وحراس شيعة شفت ..فرحني هذا الامر واستغربت منّه
وجني رايح لكربلاء وتفاجئت بالفعل من شفت.... موكب لطم لاخوانّه السنّه
ارجو ان تنال رضاكم
جرح رح انقلب حتى احجي وياك الجرح من يحجي متخونه التعابير
كمت تدفن الموتى بغير دفان .... جثث تدفن جثث لو صار تفجير
واطفالك يكرهون المراجيح..... لان رضعوا حليب من الشواجير
وطبّوا للمدارس ما يميزون ......طعم الحرب من طعم التحاضير
وعلى الصبورة شافوا من كتبوك على اسمك طاحت دموع التباشير
* * *
المفخخ من يفجر ما يميز بين ..هاي اهنانا طفلة واهنا شايب
لهذا تلاحظ لمن يفجرون ... تلقى اعقال واقع على القصايب
وتلقى اهنا كتب واهنا دستة قلام وجنطة على الرصيف وبصفها طالب
حاضر بالمقابر وبالموت ...... بس المدرسة مسجلته غايب
واحنا على المصايب مو جديدين ندور وجوهنا نلقى المصايب
طفلنا ببطن امه يشيب من الضيم ..ومن اجيبه امه اجيبه شايب
* * *
حيرني مرة طفل... بخوف يسالني
قللي عمي آنا تعبت والقهر كاتلني
خايف على والدي وخايف على امي
شيعية امي انا.... بس والدي سني
والله هذا الامر ياعمو اذاني .....
مو همّه عشرة عمر ياهو يذبح الثاني ...
* * *
البارحة حلمت بس مو مثل كل حلم ...اشكد جان حلمي حلو ماودّي اعوفنّ
جنّي بالرمادي صرت وحراس شيعة شفت ..فرحني هذا الامر واستغربت منّه
وجني رايح لكربلاء وتفاجئت بالفعل من شفت.... موكب لطم لاخوانّه السنّه
ارجو ان تنال رضاكم
