شنو الفرق بين النكري والقفاص اريد الكل تشارك
طبعا هواية ناس ماتعرف شنو الفرق بين النكري والقفاص ... النكري شكل والقفاص شكل كلمن الة مميزاتة وخواصة الفيزيائية والكيميائية والاحيائية وكلمن الة شغلتة وفيكاتة ودروبة مثل مايكلون .
مثلا:
1-
لو نجي نعرف كل واحد: النكري هو كل انسان يعلس ما في جيبك دون علمك , اما القفاص فهوالي يعلسك عيني عينك وانتة الممنون .
2-
النكري يبوكك ويشيل جوالاتة ويشرد اما القفاص يبوكك ويدك ميانة وياك ويكعد يخرط حجي براسك .
3-
النكري هو عبارة عن بائع متجول او بمعنى اوضح موفبل (movable) اما القفاص فيوجد نوعين:
اولا: قفاص ساكن (static):
وهو الذي يتخذ من البسطية مكان لعمله ويمكن معرفته اذا سمعته يصرخ (الحاجة بربع , ياباني اصلي ب خمستالاف دينار) ويتواجد اغلب الاوقات في باب الشرجي لو بالبتاوين ومرات قليلة تلكا ببغداد الجديدة لو بسوك البياع .
ثانيا: القفاص المتحرك (mobile):
ويتواجد هذا النوع في سوك المخضر بكثرة ويمشون ويصيحون (حب جكاير علج) او من هالجحي.
4-
النكري لمن تلكطة وتريد تطلع حيفك بي لو تاخذ حقك منة يصير كبالك دجاجة اما القفاص يطلعك انتة الموخوش ادمي والقفاص فديربالك تتحارش بي.
مثلا:
1-
لو نجي نعرف كل واحد: النكري هو كل انسان يعلس ما في جيبك دون علمك , اما القفاص فهوالي يعلسك عيني عينك وانتة الممنون .
2-
النكري يبوكك ويشيل جوالاتة ويشرد اما القفاص يبوكك ويدك ميانة وياك ويكعد يخرط حجي براسك .
3-
النكري هو عبارة عن بائع متجول او بمعنى اوضح موفبل (movable) اما القفاص فيوجد نوعين:
اولا: قفاص ساكن (static):
وهو الذي يتخذ من البسطية مكان لعمله ويمكن معرفته اذا سمعته يصرخ (الحاجة بربع , ياباني اصلي ب خمستالاف دينار) ويتواجد اغلب الاوقات في باب الشرجي لو بالبتاوين ومرات قليلة تلكا ببغداد الجديدة لو بسوك البياع .
ثانيا: القفاص المتحرك (mobile):
ويتواجد هذا النوع في سوك المخضر بكثرة ويمشون ويصيحون (حب جكاير علج) او من هالجحي.
4-
النكري لمن تلكطة وتريد تطلع حيفك بي لو تاخذ حقك منة يصير كبالك دجاجة اما القفاص يطلعك انتة الموخوش ادمي والقفاص فديربالك تتحارش بي.
