ما هو توجة المنتدى

حبيت افتح وياكم هذا الموضع لان الي جاي اشوفة اكثر المواضيع وغالبيتة تتحدث عن البنات والحب وسوالف البنات

وانواع الحب ... يعني ماكو موضوع يعدي اذا ما بي هاي الفقرة .. لو كان منتدانا يتكلم بس عن الحب والعشق كان

سميناة ( بصراوي الحب ) واذا هاي المواضيع نبقة مركزين علية اني اقترح انسمي بهذا الاسم .. او اناقش مواضيع جدية اكثر.

لان الي اعرفة انة اكثر المشاركين بهذا المنتدى من الناس المثقفين والواعين بيهم طلاب الجامعات وبيهم الخريجين.

واحب اشوف منو يوافقني ومنو عدة فكرة يقنعني بية ....



معا لبناء العراق الجديد

شكرا

اخوي العزيز وسام اشكرك على طرح هذا الموضوع وهذا من حرصك على المنتدى بس متكدر تخلي اي عضو يرد اويكتب موضوع هو ميريدة فكل عضو الى توجه واكو مواضيع هي الي تجذبة ويحس هية اتعبر عن ما موجود بداخلة مع تحياتي الك

الاخ العزيز محمد البصراوي مشكور على مرورك .

بس الضاهر انتة مامفتهم الموضوع بصورة صحيحة .. حبيبي اني قصدي جاي انركز على مواضيع الحب والبنات بينما اكو موضيع اكثر اهمية واولى ان اناقشة ..

واريد اعرف هو مو منتدى عام لو منتدى متخصص فد شي معين

شكرا الك مرة ثانية اخوي

اي والله ياوسام انا وياك بان المواضيع اغلبهة تتركز على هاي الفكرة -----بس اعتقد انه

وهذا رايي لو ان مشرف المنتدى يضع منتدى خاص بهذه المواضيع ---لئنها وبالتاكيد تشوه من

جمالية منتديات المواضيع العامة والنقاشات الجادة الي مفروض انها فقط للمواضيع المميزة جدا جدا-----------

اخوي العزيز هو منتدى عام وكل شي له حيز لازم يمليه والحب له مكان كبير بالمنتدى
بس اني مفهمت شنو الفكره من طرح موضوعك؟

اني مع الاخ مصطفى بهذا الموضوع نسوي منتدى خاص بهاي المواضيع

مشكورين .. والله اني مع الخوان مصطفى وابو فطومة......اختي العزيزة الوردة الحمراء مشكورة على المرور اني قصدي هذا منتدى نقاش جاد يعني لازم مانركز بي على موضوع واحد وهو الحب والبنات ... واذا نخصص منتدى بهذا الموضوع يكون احسن ونسمي ( همسات العشاق )

صحيح وياكم اخوان فعلا لازم اكو منتدى خاص بالمواضيع العاطفيه نتمنى من المدير النظر بالموضوع

يسلمو سومي على الموضوع الحلو والطرح الحلو
اني وياك لازم يكون منتدى النقاشات الجادة عن مواضيع مهمة
واني وية الاخوان العشقيات خلي نسويلها قسم لوحد واني افضل
ان يكون المشرف علية نورس البصرة لان يفيد بهاي السوالف

شكرا وسام على طرح الموضوع وهذا دليل على حرصك على ارتقاء المنتدى فلنساهم معا في نجاح وتطور منتدانا "منتـــــــــــــــــــدى بصـــــــــــــــراوي" وشكرا الك اخي مهندس من الجنوب على مداخلتك الجميلة .... تقبلو مروري

اخوان اظن اكو هيج قسم واسمة همسات الاعضاء بس مشاء الله ولا واحد يوصلة ليش ما ادري

حبيبي ابو جاسم منتدى همسات الاعضاء اعتقد يخص الاشعار الخاصة بالاعضاء
وهو تابع للمنتديات الادبية