عدلة
تموت الروح سكتة وكلت عدلة
وانا مسافر طريق ومانعدلة
يسويها النصيب وتجي عدلة
واحضنك ياحلو بثنين ادية
........................................
وعيون
من دمعي جرت نهران وعيون
وهلك خلو علي حراس وعيون
اشلون خدود عند الحلو وعيون
سود يامحلى نظرتهن علية
.......................................
ينزار
واجب كل حبيب بليل ينزار
واشمة ومايظل بالقلب ينزار
حبيبي بعد مااريد زيج الصدر ينزر
واريدك دلع من تجبل علية
.......................................
ساعة دوني
ساعة تصير فوكي ساعة دوني
وساعة تصير طيب وساعة دوني
طحت وصوتك يصيح ساعدوني
اليمسك والله لنعك ابيه
.......................................
واكبر
حي على الصلاه وعليك واكبر
شدهني لعيونه سود واكبار
اخاف يحيط بية الشيب واكبر
ويصير اطرادهن حنى علية
..........................................
وعنك
منو الجابك الشوفي وعنك
معقولة الهوى هزك وعنك
ترى الناس الحجو عني وعنك
تغار تريد مانكعد سوية
..........................................
ارجوا ان تنال اعجابكم
