مناوبه شعريه على العراق الجريح

السلام عليكم ورحمة الله وبركاته
أستجابه لنداء ها يا عراقيين ندرج البوذيات الحماسيه التاليه
وقد أستهلها شاعر من قضاء سوق الشيوخ محافظة ذي قار
ارضنه اجدام من تكرهه وطنه
ودواي اتراب ذاريها وطنه
ابت روحي تريد اله وطنه
تعيش بغير ذله عله الوطيه
فأجابه الشاعر راهي سعيد ال ناطور الشبلاوي من ناحية غماس في الديوانيه
الهمر داست ثنايانه وهنه
وتكشف للعدو وبين وهنه
الشامت بشر اصحابه وهنه
وتحنه على المصاب الصار بيه
فأجابه شاعر من قضاء الرفاعي في ذي قار
الهمر داست ثنايانه من ادينه
وراح اعراكنه كله من ادينه
الشامت حنه رجلينه وادينه
وحكه النوب من يضحك عليه
فرد عليه الشاعر مشكور العايدي من قضاء الحي / محافظة الكوت
بثنايانه الهمر حطت ونزلات
ومراحل سوت اعراكي ونزلات
الكبل ماتقبل الذله ونزلات
بعد هيهات تحميه الثنيه
فأجابه الشاعر منهل هادي ابو بيادر من قضاء عفك /محافظة الديوانيه
ثور وروحك على الضيم وطن
وكص اجدام لرضك غصب وطن
ذاري اتراب هاي الدار وطن
مرض من تخضع يصيرن واذيه
وأردف قائل
عدونا صار راعينه وتحنه
وحطنه للهمر سجه وتحنه
وحكك بالعكس ضلعي تحنه
من طاحو الف بالكاظميه


تقبلو تحياتي