بصراوي

    قصيدة اكثر من رائعة

    شاطر

    وسام البصراوي
    مــشــرف
    مــشــرف

    عدد الرسائل : 334
    العمر : 33
    تاريخ التسجيل : 10/10/2007

    قصيدة اكثر من رائعة

    مُساهمة من طرف وسام البصراوي في الأربعاء 10 أكتوبر - 6:59

    (((الى اللذين صلّبوا عقولهم على لوح ألإنتضار)))


    صّـدّك يـاوطـن بـاجر أمـان يــصــيــر
    بـاجـر كـلشي عندي وكلـشي ماعندي
    بـاجر ماكــو عـبوة وماكـو مـحـتـليـن
    ومـن جـف النواصـب يـنتـقم خـــدي
    بــا جـر يـــاوطــن خـيـرك يـرد ردود
    وتـرد الــدول مــن عــندك تــجــدي
    باجر نـنـسـعـد بـس يمته باجر هذ؟؟؟
    بـاجر يا وطـن مـن يــطـلـع المهدي!!!
    وافرض ماطلع تبقه إعله هـذا الحال؟؟
    وايـدك فوك خـدك والجــفـن يـدمــع
    بيتــك بس إسم مو أنت تـحـكـم بيه
    وتـخّلـي الغابة ضــلمة وبابك إمـشّرّع
    وأهـلــك ناكَـتك والنـاصبـي الخـطـار
    وتـريــد تــصـيـر حاتم بينه تـتـبـرع
    وجا لك كَلب ضبـيه إمسّرّد من الخوف
    وعـيون الذئا ب إعــلـه الكَـلب تـلمـع
    وبناتـك صّـم لـحم وبـلا غـطه تخليــه
    وجـيــرانك نـمـل من عـيـنهم يطلع
    ونـها رك بـي لِـثـّك دم وبنات صغـار
    لـحـمـهن با لـشـوارع جـمـلة يـتـوزع
    واذا فات العصر عينك تــصـب غروب
    واذا فـات الــهمر مــيّـة مـتر تـرجع
    وتـسـكت ما تـثـور إتـّاني عبوه تثور
    وأخوك إبـّـاب بـيـتـك لحـمه يتكَطع
    ويـفـتـشـون بـختــك وأنتّ كلك عين
    وتــصيح إبـإذانـك وإنـتّ مـــا تـفـزع
    بـعـد شـيـسـوي يطلع قابل إيدليك؟؟
    مـقـر أمريكي هـذا وبـيـدك المدفع!!
    لـو يـطـلع يكَلك هايّ عيني وشوف؟؟؟
    لـو يـسـمع مكانك خاف ما تسمع؟؟؟
    لإمامك ماثرت والـقـبـة ذيـج تـراب
    وهـسـه تصيح لإبنه تريـده إلك يفزع
    إذامو انامـهدي وإنتّ مـهدي تـصير
    لـو يطــلــع المهدي المـهـدي ما يطلع

    وبعد شيصير أكثر وإنتّ تفزع عود؟؟؟
    إشتسّوي أمريكا بيك وإلها ما تخضع
    زنوا با للـيل بـأرضك والصبح باكَوك
    ما هـمــهـم نـهـار ولا شمـس تطلع
    وتوكـلهم لـحمتك وانت ميت جوع
    وتـلـّبسهـم حـريـر وثـوبـك إمركَع
    ولا تـدمع عـيونـك جـن ولا حـلبوك
    وعـيـون الـنـفـط بـعـيونهم تدمع
    ولا سـووك سـاحـة ودوله للإرهاب؟؟
    ولا بعض البعض من بعضك إتبضع
    كل شبرين بأرضك دولة صارت بيك
    وكـل عشـرين مـسـلم قلِدّوا مرجع
    وإذا واحـد يـكَـلـك إحنا متوحـدين
    خـيـطـب لـلـشمال وبـي علم يرفع

    لاتـصـفن بـعد والصـفنه إلك مَتلوكَ
    كَـبـل تـزأر جـنـت والـكـون يتـصدع
    إزأر مـو كـفر تسـتـاسـئـد الـجرذان
    وألأرنب عــليـك شـلـون يـتـضـبــع
    عراقي من الحرب معقوله كَمت تخاف
    وإنـتّ مـن الـقذايـف بـيـتك إمرصع
    جنت طـيـنة سـواتـر والله نافخ بيك
    وعــضامـك شــضايا وجـسمك إمدّرّع
    إرجع مـثل ألأول حـتى حـر تـعـيش
    لـو مـوت بـمكانـك كـون مـاتـرجـع
    الشاعر
    نائل المظــّفــّر

    وسام البصراوي
    مــشــرف
    مــشــرف

    عدد الرسائل : 334
    العمر : 33
    تاريخ التسجيل : 10/10/2007

    رد: قصيدة اكثر من رائعة

    مُساهمة من طرف وسام البصراوي في الأربعاء 10 أكتوبر - 7:00

    العميد ثبت حبيبي مو تنسة


    _________________
    avatar
    البصراوي
    بصراوي ذهبي
    بصراوي ذهبي

    عدد الرسائل : 885
    تاريخ التسجيل : 25/09/2007

    رد: قصيدة اكثر من رائعة

    مُساهمة من طرف البصراوي في الأربعاء 10 أكتوبر - 7:07

    يسلمووووووو وسام ياورده
    avatar
    ألـعـمـيـد
    مــشــرف
    مــشــرف

    عدد الرسائل : 223
    العمر : 33
    تاريخ التسجيل : 28/09/2007

    رد: قصيدة اكثر من رائعة

    مُساهمة من طرف ألـعـمـيـد في الأربعاء 10 أكتوبر - 7:12

    يسلمووو على القصيدة الرائعة


    _________________

      الوقت/التاريخ الآن هو الجمعة 18 يناير - 2:24